كيف يمكن ترميم العلاقة بين الأم وابنها ؟
القاهرة : " نقاش "
هناك أخطاء في التعامل مع الأبناء يجب تجنبها:
مناقشة المشكلة وليدة اللحظة
تصميمي اني أتكلم عن المشكلة حالا ودلوقتي وهو مش معندهوش استعداد الان او مش مناسب معاه.. بيخلي ابني ما يتعاونش معايا في الكلام والكهرباء تزيد بيني وبينه..
كلمة نتناقش حالا ودلوقتي بتسبب زيادة الصراع بتوصله رسالة انك مش مقدرة اللي بيعمله دلوقتي ولا نفسيته اللي تسمحله انه يسمع ويتكلم
مش حاطة هدف قدامك انه يتعلم من أخطاؤه.. فنقعد ونتناقش ويسمعني وأسمعه
إنما الهدف اللي بيوصله انه يلا هنتكلم حالا ودلوقتي وهو معندهوش استعداد انك عايزة تعلمي عليه مش تعلميه
ما الحل ؟
هنحدد معاد مع بعض نقدر نتكلم فيه.. مش بتبقى قعدة رسمي.. بل المفروض يغلب عليها الودية وتكون قعدة طبيعية.. مش قعدة درس في الأخلاق أو كرسي الاعتراف
نجدد نيتنا اننا مش داخلين صراع.. ده ابني حبيبي وكل الناس بتخطئ وهدفي تقويمه برفق مش بالتخويف أو التهديد أو أذله أو غيرها من المشاعر اللي بنتخض لما تظهر في كلامنا
اختيار الكلمات اللي لا تستثير العند والعزة بالاثم
محتاجة تركزي على المشكلة نفسها من غير ماتجيبي شريط الذكريات لورا.. اني أحشد له كل أخطاؤه السابقة دي هتخليه متحفز وفي موقف دفاع
#نقاش_دوت_نت
موضوعات ذات صلة
التعليقات
أضف تعليقك