مسلم.. يطلق أحدث أعماله الغنائية "واحشاني"عنوان ألبومه الجديد
كتب: أحمد نيازي الشريف
أطلق المطرب مسلم أحدث أعماله الغنائية، فيديو كليب أغنيته الجديدة "واحشاني"، وذلك عبر قناته الرسمية على موقع يوتيوب، وجميع المنصات الرقمية، ومحطات الراديو، وتحمل الأغنية اسم ألبومه الجديد، الذي بدأ مسلم في طرح أغنياته منذ شهر مارس الماضي.
وتعد أغنية "واحشاني" هي الأغنية السادسة التي يطرحها مسلم ضمن ألبومه الجديد، الذي يضم 10 أغنيات متنوعة، يقدم من خلالها مجموعة مختلفة من الأنماط والأشكال الموسيقية، في إطار حرصه على التنوع خلال مراحل طرح الألبوم.
أغنية "واحشاني" من كلمات وألحان مسلم، وتوزيع موسيقي إسلام الأزرق، ومن إخراج عمر زكي، وتتولى شركة "ديجيتال ساوند" توزيعها.
ويقدم مسلم في أغنية "واحشاني" حالة درامية تعتمد على مشاعر الاشتياق والحنين الناتجة عن البُعد عن الحبيب، حيث تعبر كلمات الأغنية عن لوعة الغياب، وصدمة الفراق، واستعادة الذكريات المؤلمة، ومحاولة الهروب من الأيام وما تحمله من ألم بعد انتهاء العلاقة.
وكان مسلم قد بدأ طرح أغنيات ألبومه الجديد منذ فترة، حيث قدم أولى أغنياته بعنوان "سحابة صيف"، وهي من كلمات محمود عادل، وألحان كريم نيازي، وتوزيع موسيقي وميكس وماستر إسلام الأزرق.
كما طرح مسلم أغنية "بنلف وندور"، وهي من كلمات وألحان مسلم، وتوزيع موسيقي مهيب سليط، إلى جانب أغنية "ماتتحبيش"، من كلمات حسام سعيد، وألحان عمرو الشاذلي، وتوزيع موسيقي وميكس وماستر محمد ياسر.
وطرح أيضًا أغنية "على كل حال"، من كلمات زياد ياسر، وألحان مصطفى يسري، وتوزيع موسيقي وميكس وماستر تيام طارق، بالإضافة إلى أغنية "طال بعدك"، من كلمات أحمد عزب، وألحان كامل الجندي، وتوزيع موسيقي إسلام شوقي، ومن إخراج كريم رفعت.
وتقول كلمات أغنية "واحشاني":
عندي سؤال ازاي قدرتي تكوني اقرب ف الغياب
عندي امل ، نرجع و لو بقلبين جداد
مشيتي من غير ما تقوليلي اعمل ايه ف الاشتياق
و اصعب من الصبر ، الغياب
واحشاني , و واحشني نفسي اللي كانت معاكي زمان
ماسك صور لينا بنضحك ف وسط الناس
قلبك نسي قلبي اللي مابينساش ، عملها ازاي
بقيت مضطر اعيش بهرب من الايام
و يا ليل ,
وصله مره سلام او ردلي بجواب
بكلمه ارتاح
دا انا عيني ,
ما شافت نوم من لما يومها سابني و راح
امانه يا شوق
مافيش مخلوق من اللي انا دوقته مره يدوق
يعيش موهوم في حلمه و لما منه يفوق
بأكتر حد مأمن له بإيديه مقتول
عندي فضول
اسمع حلول
تنهي الزعل و ترد روح
او نهايه للظنون
مش كفايه كل يوم
بقى عندي خوف
ياريته حلم و منه افوق
عمال بيتكرر كابوس
غرقان و انا
مابعرفش اعوم
و بيقولوا دلوقتي ليه
حبيب جديد
دا انا قلبي مش هاين عليه
يقول نسيه
بقى دا جزائي و دا اللي بتحاسب عليه
اني مقدرتش اشوفك غير حبيبي
اول , و وعد تكون اخير
حبيبي , مش ليك تتقال لمين
حبيبي , هتروح من قلبي فين
و اهو راح منك يا عين
و ماعادش فاضل لينا شئ
#نقاش_دوت_نت
موضوعات ذات صلة
التعليقات
أضف تعليقك