ضحايا الخوارزميات... أم صناع المستقبل؟

*الخوارزمية* ببساطة هي

 *الوصفة اللي الموبايل ماشي بيها* 

تعالي نفهمها من غير تعقيد:

 *1. خلينا نعرف الاول يعني ايه خوارزمية؟

هي "تعليمات" أو "قانون" المبرمج كتبه عشان التطبيق يعرف يتصرف.

الخوارزمية بتاعت التيك توك هي نفس الفكرة بس على بياناتك انتي.

 *2. خوارزمية التيك توك بتشتغل ازاي؟*

هدفها حاجة واحدة: *تخليكي قاعدة أطول وقت ممكن!! 

فبتعمل 3 خطوات كل ثانية:

الخطوة بتسأل نفسها مثال. 

**1. تجمع** انتي بتحبي ايه؟ وقفتي 5 ثواني على فيديو طبخ. عملتي لايك على كوميدي. 

**2. تحلل** طب ايه شبه ده؟ "دي بتحب أكل + ضحك + ستات بيوت+ العاب + موضة + ميكب "

**3. ترشح** أوريها ايه المرة الجاية؟ تجيبلك فيديو "وصفة سهلة بتضحك"

كل ما تتفرجي أكتر، هي تفهمك أكتر. فـ تديلك اللي يعجبك أكتر. فـ تقعدي أكتر.  

دي اسمها *"دايرة الدوبامين"*

 *3. طيب هي حلوة ولا وحشة؟

*الحلو فيها*: 

ممكن توصلك بمحتوى مفيد. دكتور، دروس، شغل، ناس زيك.

*الوحش فيها :

لو سبتيها لوحدها هتغرقك في الحاجة اللي "بتشدك" مش اللي "بتنفعك".

رقص، خناق، ترند فاضي... عشان ده اللي بيجيب نسبة مشاهدة. 

اية اللى حصل بين زمانا وزمن اولادنا 

زمان كنا بنقول "الشارع بوّظ اولادنا ". النهاردة بقينا نقول "الخوارزميات هي اللي بتربي".  

في وقتنا الحالي، الطفل المصري المتوسط بيقضي فوق 4/ 5 ساعات يومياً على تيك توك وريلز وشورتس.  

 ساعات كتير مش فرجة... ساعات "برمجة". برمجة لمخه، لذوقه، لقيمه، ولمستقبله.

فالسؤال اللي لازم نسأله مش "ابنك ماسك الموبايل؟

السؤال: مين اللي ماسك ابنك؟ انت ولا الخوارزمية؟"

الخوارزمية مش شريرة. هي بس شاطرة في شغلها. وشغلها حاجة واحدة: تخليك قاعد.  

ولما تقعد، هتشوف إعلان. ولما تشوف إعلان، حد هيكسب فلوس.  

عشان كده بتديك الجرعة اللي مخك مدمنها: دوبامين سريع، كل 15 ثانية.

والنتيجة شايفينها كل يوم:  

*موت التركيز ... فـنلاحظ ان الولد او البنت بقوا يزهقوا أول ما يبداء مذاكرة.  

*تشوه البوصلة.... فـ البنت فاكرة النجاح فلتر، والولد فاكر الرجولة صوت عالي.  

*اغتيال الهوية ... فـ بقينا بنربي نسخة من ترند، مش نسخة من بيتنا.

بس استنى... مش كلهم ضحايا.  

نفس المنصة طلعت دكتور صغير بيشرح، وتاجر صغير بيبيع.  

الفرق كان فين؟ كان فيه "أب وأم" قاعدين في النص بيسألوا: "انت فهمت ايه؟"

الحل مش إننا نكسر الموبايل. الحل إننا نكسر العزلة.  

40 دقيقة يومياً حوار.  

نعلمه يبقى "صانع" مش "مستهلك".  

ونبقى احنا القدوة اللي بيقلدها.

جيل التيك توك مش ضايع.  

جيل التيك توك مراية.  

فبلاش نكسر المراية... ونصلح اللي واقف قدامها. 

#نقاش_دوت_نت