الطابور طويل

انا كان يجوز لى أنصح علاء ، انه يرتاح كتير ، يشوف حياته ، يشوف أبنه، يشوف مستقبله ، يتعافى ، الفترة اللى يحددها ، اما الناس اللى بتحب علاء و بتحب عيلته، و بتحب النضال ، و منتصب القامة أمشى ، الناس تنساهم شوية و بالذات علاء ، علاء مش التنين البمبى ، و لا مانديلا الوجه البحرى ، و لا قاطرة التغيير ، وقول يا علاء قول الحق ، و لا صحفيين شطار يحاولوا يطلعوا من علاء كبد الحقيقة ، لأنى لا فى كبد و لا فى حقيقة ،

و مفيش حاجات ضخمة حتتغير لو علاء قالى أى حاجة أو مقالش ، سيبوا الشاب يشم نفسه و يتعافى و يرتاح ، مفيش أى حاجة حتحصل لو سبنا الناس ، لأنى فى ناس مش بتنام الليل ، لما حد بيطلع له عفو رئاسى أو حد بيخرج ، كأنه نقصت عنده حتة اكسسوار من المخزن ، و بيتابعه و بيقعد يقول مش قولت ميخرجش انا قولت ميخرجش انا قولت ما يخرجش ، زى كده محمد ابو سويلم فى فيلم الارض 5 ايام مينفعوش .

نرجو الرحمة ، الطابور طويل لما بتظبط مع حد غيره دوره بيجيى ، فنسيب الفرحة تخش التاكسى، فى صديق عزير بعتلى قالى كده الناس تزعل ، قولتله انا طول عمرى مش بتعامل بطريقة ما يطلبه المستمعون ، انا بقول الى عايزه و مش فارق معى يعجب مين و مين يقول ايه ، و ده من زمان ، مش دلوقتى و احنا قربنا نقابل وجه كريم.

#نقاش_دوت_نت