ماس رحيم تطلق أولى أغنيات ألبومها الجديد "ضيعتني".. رسالة حب ووفاء لوالدها الموسيقار الراحل محمد رحيم

أطلقت المطربة الشابة ماس رحيم أولى أغنيات ألبومها الجديد، التي تحمل عنوان "ضيعتني"، وهي من كلمات وألحان والدها الموسيقار الراحل محمد رحيم، وتوزيع كريم أسامة، وإنتاج شركة ديجيتال ساوند.

تقول ماس عن الأغنية: "والدي الفنان محمد رحيم هو اللي اختار ليا أغنيات الألبوم، ومن بينها (ضيعتني) اللي قريبة جدًا من قلبي، واللحن ده كان قديم ولحنه والدي في شبابه، وفيه كل إحساسه وتركيبته المعروفة في الألحان، وكان دايمًا حريص إن كل أغنية تبقى حالة خاصة وشبهي، وكان شايف إن أنا بس اللي هقدر أقدمها بطريقتي وشخصيتي."

وأضافت: "اختارنا سوا (ضيعتني) لأنها شبهى زى ما كان بيقول، والأغنية مش حزينة بالعكس، معناها جميل وبيوصل رسالة قوية، وكل أغنية في الألبوم ليها قصة وشخصية مختلفة. وأنا بقدم الألبوم بكل فخر مش علشان نفسي، لكن علشان والدي اللي غير شكل الموسيقى العربية على مدار 30 سنة."

وتابعت ماس حديثها عن علاقتها بوالدها قائلة: "بدأت حب الموسيقى وأنا عندي 5 سنين، كنت بحس بوالدي وبالجو اللي كله مزيكا، وكنت بكتب وألحن من نفسي، ولما وصلت 8 سنين بدأت أركب الهارموني لوحدي، وده لفت نظره جدًا، فبدأ يعلّمني العزف على البيانو والجيتار، وكنا بنتكلم مع بعض بلغة المزيكا، كان صديقي وصاحبي، وكان معايا في كل حاجة."

وأكدت ماس أن تأثير والدها الفني لا يمكن أن ينتهي: "التأثير اللي عمله رحيم لازم يستمر، ولسه فيه مفاجآت كتيرة من أعماله هتُطرح قريب، حياته كلها كانت مزيكا وأنا غصب عني اتأثرت بيه جدًا، والناس كلها بتقول إني شبهه في كل حاجة. شرف كبير ليا وباحمد ربنا كل يوم إنه خلاني بنته وخلاه أبويا."

وأشارت إلى أنها تتمنى أن تنال أغنية "ضيعتني" وجميع أغنيات الألبوم إعجاب الجمهور، مؤكدة أن العمل هو رسالة حب ووفاء لروح والدها الذي ترك بصمة خالدة في الموسيقى العربية.

وتقول كلمات أغنية "ضيعتني":

ضيعتني منك لله

وجرحتني منك لله

خليتني أحزن على اللي فات

واندم على قلبي وهواه...

مش عيب اقول اني اتخدعت

او اني ضيعت لما انت بيعت

هبدا حياتي من تاني عادي

اما الي جاي سيباه لله

و اذا كان الي فات من عمري

كنت عاشرتك فيه

يبقى اكيد الجاي من عمري هنسى غرامك بيه

و اذا كان الي فات من عمري

كنت عاشرتك فيه

يبقى اكيد الجاي من عمري هنسى غرامك بيه

و انا هندم ليه و اصبر على ايه

ما صبرت تعبت يا ناس من قولة ال اه من قوله ال اه

و اذا كان الي فات من عمري

يبقى اكيد الجاي من عمري

و اذا كان الي فات من عمري

كنت عاشرتك فيه

يبقى اكيد الجاي من عمري هنسى غرامك بيه

و انا هندم ليه و اصبر على ايه

ما صبرت تعبت يا ناس من قولة ال اه من قوله ال اه

ضيعتني منك لله

و جرحتني منك لله

خليتني احزن على الي فات

و اندم على قلبي و هواه

مش عيب اقول اني اتخدعت

او اني ضيعت لما انت بيعت

هبدا حياتي من تاني عادي

اما الي جاي سيباه لله

https://youtu.be/R_m2mGzWVX8

ويستمر الكوبليه في التعبير عن مشاعر الفقد والخذلان، لكن بروح من القوة والإصرار على البدء من جديد.

وتأتي أغنية"ضيعتني".. بداية جديدة بصوت ابنة الموسيقار الكبير محمد رحيم، وإرث موسيقي يُولد من جديد."