سواق التاكسي كسر قلبي

ركبت مع سواق تاكسي شكله وتصرفه من اول ما ركبت معاه غاية في الاحترام وفجأة واحنا ماشيين دخل علينا موكب من اياهم واللي منعرفش ايه أهميتهم وكسر على الراجل عشان يوسعله لدرجة ان كنا حنتقلب

أنا طبعا فتحت الشباك وبدأت ازعق فالراجل المحترم السواق قالي معلش يا مدام حقهم اصل احنا ضيوف غلابة في البلد دي قالها بانكسار قاتل. 

قلت له:  لا.. لا أنت ولا أنا ضيوف إحنا أصحاب البلد وملائكتك على غلط وطلعت نصي من العربية وبدأت ازعق على الأمن فالراجل بتاع الأمن قعد يعملي معلش يخبط على راسه قلت للسواق اوعى تخاف تاخد حقك …بص وقالي ربنا يخرجنا منها على خير….سواق التاكسي كسر قلبي