عمرو دياب والمعادلة الصعبة

الملفت الآن في عمرو دياب إنه عايش حياته اللي هو عايز يعيشها ، مش اللي جمهوره عايزه يعيشها، 

ما بيبقاش على مقاس حد ، هو عارف إنه في المرحلة دي هو كتالوج بيتقاس عليه، 

بيعمل اللي بييجي في دماغه، مش اللي بييجي في دماغ اللي بيتفرج، 

ومغامرة إنك تعيش حياتك مش حيوات الآخرين ، وفي نفس الوقت ده ما بيخصمش من رصيدك الجماهيري، 

مغامرة حققت أصعب معادلة، 

عمرو دياب بيعيش حياته دلوقتي بمنطق الحياة   مش عيشه والسلام، 

رحلة قصيرة ومرة واحدة ما تستحقش تعير فيها ذاتك لأي ناس مهما بلغ قدرهم، 

عمرو دياب ما بيغازلش المزاج السلفي المصري عشان يفضل على القمة، 

ده بالعكس صدمه وبيصدمه كتير ، 

إنطلاقاً من مبدأ ده أنا ، واللي مش عاجبه يشرب من البحر .