ما المقصود بقوله تعالى " ويمنعون الماعون " ؟
القاهرة : " نقاش "
قال عكرمة: رأس الماعون زكاةُ المال، وأدناه المنخل، والدلو، والإبرة. رواه ابن أبي حاتم
وهذا الذي قاله عكرمة حسن؛ فإنه يشمل الأقوال كلها، وترجع كلها إلى شيء واحد. وهو ترك المعاونة بمال أو منفعة. ولهذا قال محمد بن كعب: (وَيَمْنَعُونَ الْمَاعُونَ) قال: المعروف"
[تفسير ابن كثير]
يعني إيه "ويمنعون الماعون"؟
-يعني زوج عايز يكرم زوجته وأولاده فأهله يقولو له لأ كفاية عليها كدا مش لازم تصرف ده كله ، فالزوج يبخل على أهل بيته..
-يعني حد ناوي يُخرج صدقة لوجه الله فتقوله بدون بينة ولا دليل : أنا مش مستريح للناس دي، فيشك فيهم ويغير رأيه.
-يعني واحد جايله مكافأة في عمله، فتقف له فيها ..وكله بقدر الله .
-يعني زوجة بتجيب هدية لزوجها، ولما تستشير صديقتها تقولها: مالك مرمية عليه قوي كدا ليه، فتخليها ما تجيبلوش حاجة وتتغير معاه!
-يعني أب عايز يشتري لبنته حاجه ، فزوجته تقوله الولد أولى ، فتكون سبب فى منع خير جي للبنت .
-يعني واحد ناوي يخطب فمعارفه يتدخلوا بالنميمة حسدًا.
-يعني عمل خير هيبدأ، فنعمل نفسنا ناصحين وخبرة وبنوعي الناس علشان مصلحتهم، فيتوقف عمل الخير أو يمشي أعرج، أو يمشي بفريق عمل كارهين بعضهم.
يعني إيه "ويمنعون الماعون"؟
-يعني أرحام مقطعة !
-وخير مبتور!
-وفساد ذات البين !
-وبناء وعمار لا يكتمل!
يعني إيه "ويمنعون الماعون"؟
يعني ربنا يهيئ لنا أسباب الخير واحنا نمنعه من أجل الهوى.
فَوَيْلٌ لِّلْمُصَلِّينَ - الَّذِينَ هُمْ عَن صَلَاتِهِمْ سَاهُونَ - الَّذِينَ هُمْ يُرَاءُونَ
"ويمنعون الماعون"..
حذار... فقد توعّد الله من يفعل ذلك بالويل (جهنم) مع إنه بيصلي ..ولكن كان سبب رئيسى فى منع خير لحد من أجل الهوى.
امسك لسانك. قال ابن المبارك رحمه الله :
« لا أعلم بعد النُّبوَّة درجة أفضل من بثِّ العِلم ».
#نقاش_دوت_نت
الماعون، زكاة المال ، المعروف، البخل بالهدية، أرحام مقطوعة، خير مبتور، فساد ذات البين
موضوعات ذات صلة
