صرخة

نفسي أقول كلام بعد اللغة بكتير

كلام من مفردات حرة وله معنى يهز الصمت ويحرك سكون الخوف

نفسي في معنى مش مألوف يقف عنده الكلام مذهول

نفسي بجد إني أقول

واسيب نفسي لحد الفعل مايتحول إلى مفعول

وعايزة اصرخ وتصبح صرختي لعنة

تعبت... سكوت

وعلم آدم الأسماء 

وانا وارثة أبويا حروف

فاليه الخوف

ومين مصلحته في عمايا

وليه مش عاوزني اشوف

انا تعبانة مش لاقية لحلمي مكان  

طب انت عاوزني اعمل ايه؟! مَفكرشي... أعيش ازاي وإيه دوري عشان بكره

وإيه ممكن يكون علي إيه فيبقى حياة

انا موافقة لكن وفر لي فكر بديل

وهات لي حاجة تشغلني عن الدنيا يكون فيها عمري حقيقي مش تمثيل

انا إنسان وله التزامات حياه وحركة وفكر وجهد واحتياجات

عشان العيشة تتبلور وتبقى ممات

فهمت البلوى تيجي إزاي!!؟ 

أنا مخلوق عشان أعمل وبالنيات

فلما اِنت تقف للشمس وتعطلني عن رفضي وتبريري

وتعمل مني شيء غيري فين دوري بقى في الكون 

انا مخلوق عشان ابني واتحاسب على البنايات 

أنا عارفة الحياة درجات

فلو عاوز تكون حاكم

انا ليا كمان طلبات  

ومن حقي أعيش عمري

وساعة الجد...الاقي ممات.

#نقاش_دوت_نت 

الكلام مذهول، صرختي لعنة، فكر بديل، الحياة درجات