البلوجر كروان مشاكل يتهم محمد إمام أنه بوظ فرحه ويطالبه بتعويض

 ثارت حالة من الجدل على ‏مواقع التواصل الاجتماعي  بعد ما انتشرت فيديوهات من فرح البلوجر  كروان مشاكل على حفيدة الفنان شعبان عبد الرحيم، والفرح أصلًا لم يكتمل للآخر بسبب التزاحم الشديد والتدافع والفوضى. 

 والذي أسهم في تفاقم الأزمة هو دخول الفنان محمد عادل إمام على خط أزمة كروان مشاكل في حكاية غريبة ومش مفهومة بالنسبة لناس كتير.

القصة بدأت لما كروان مشاكل وجّه دعوة رسمية  لمحمد إمام إنه يحضر فرحه، والمفاجأة إن محمد إمام رد عليه فعلًا من خلال ستوري على إنستجرام وقال

يشرفني، المكان فين والمعاد إمتى؟

مما أثار دهشة  المتابعين ، لأن التفاعل كان مباشر ومش متوقع من نجم كبير مثل محمد إمام.

بعد هذا  الرد  كروان مشاكل طلع في فيديو وهو باين عليه مبسوط جدًا، وقال إنه فعلًا تلقى موافقة من محمد عادل إمام، وكشف في الفيديو عن ميعاد ومكان الفرح، وده زوّد حماس وترقّب المتابعين 

وبعدها البلوجر رجع أكد إن محمد إمام هيحضر، من  خلال فيديو آخر وهو بيجهّز نفسه كعريس

بعد شوية، «كروان» نشر تعليق جديد موجّه لمحمد إمام وقال له

«هستناك»

فمحمد إمام رد عليه وقال إنه هيبقى مسافر في  هذا التوقيت  

رد عليه «كروان» بهزار ساخر وقال

«للأسف مسافر.. كنت قولي من بدري»

والموضوع من البداية هزار وضحك متبادل

لكن ما حدث بعد ذلك كان صدمة، لأن الفرح أقيم فعلًا،لكن وقعت فيه فوضى كبيرة، وخناقات ومشاكل، وتدافع بسبب الأعداد الضخمة التي حضرت، وهذا أسهم في تبوّيظ الفرح كله

بعد ما الفرح خلص، محمد إمام رد بسخرية على أحد المتابعين قال له إن ربنا أنقذه من ورطة ، في ستوري نشرها وقال فيها: 

طب الحمد لله حصل خير، تتعوض إن شاء الله، ولا متتعوضش خالص

والكلام ده عمل تفاعل كبير، وناس كتير شافته رد غير مباشر على اللي حصل في الفرح

من ناحيته، «كروان مشاكل» طلع بتصريحات واتهم فيها محمد إمام إنه السبب الرئيسي في اللي حصل، وقال إن الناس اللي جات بالعدد الكبير ما كانتش  جاية عشانه، لكن كانت جاية على أمل تشوف محمد إمام بعد ما افتكروا إنه وعد بالحضور.

ولم يكتف بذلك،  بل طالب محمد إمام بتعويضه عن الخسائر التي  حصلت، زي إنه يجيب له عربية جديدة بدل عربيته اللي اتحرقت – على حد كلامه – وكمان يتحمّل تكلفة الفرح كله، وده فتح باب جدل جديد وكبير على السوشيال ميديا.

#نقاش_دوت_نت