مستني أيه
سمير صبري
واقف هناك فكِرك شريد
مستني يجي الدور عليك
حاسس بخوف حاسس
بضيقه بتخنقك
باصص بعيد والدمع نازل
من عنييك
بتسابق الريح اللي
هدت خطوتك
ومشيت تعافر في الحياه
والصبر واصل منتهاه
ندمان على الحلم
اللي ضاع من بين إيديك
سجلت اسمك في
ديوان المفقودين
عديت حدود الصبر
مجروح بتترجى الحنين
صدقت ان الموت قدر
وإن القدر مكتوب
وواضح عالجبين
وإن الحياه متلونه
وان العيون الكاحله
ممكن تكون متزينه
وانك مابين البين
وبين واقف كده
بتنادي مش لاقي الجواب
وعرفت إن الشوق عذاب
طب ليه يكون حالك كده
مغلوب وجي الدور عليه
ارجع بقى مستني أيه
إرجع بقى مستني أيه
#نقاش_دوت_نت
موضوعات ذات صلة
.jpg)
.jpg)
