ع الخريطة

بالصعيدي ..وبالجريجي

عايزة اقولك حاجة خاصة...

حاجة لسه بيحسبوها تسوى كام

بس مش لاقية المعاني ......والكلام

عاجز يعبر عن حواسي...

قلت احبك زى كل الناس ماحبت والسلام...........

والنبي ياض يابن عمي ياللي قلبك قلب أمي..

قلب مابيعرفش عني غير مبارة في النهائي

والخصام

 كل مادا باحبك اكتر...

بابقى جاهلة وحبنا ناقصه علام 

عايزة اروح آخر المشاعر...

اشوف هناك الساعة كام..

.عايزة حاجة مش عادية...

عايزة روح اطول شوية...

عايزة تبقى انت القضية والبراءة والاتهام

...يابن عمي ...يا إللي دمك هوه دمي

 ياإللي فيك الأقصى موته

وقبة الصخرة القيام

يا إللي فيك الحب طاعة...

والمشاعر لو تأذن 

كلنا تنوي الجماعة والسلام...

يابن عمي...في كل حتة ع الخريطة

ياإللي احلامك محيطة بالغرام

افتكرني. واوعى تنسى ان بيننا فيه رباط من شمال شرق المحبة القاهرة...

للشمال الغربي للشوق في الرباط

القمر نازل عياط...

دمي... سايل يابن عمي والحياه واخدة في طريقها للممات

ياض باحبك 

وإللي بيننا حاجة تسوى إللي بيننا يابن عمي أمنيات ..أغنيات..

والشهادة والصلاة

إللي بيننا ياحبيب اختك... حياة.

#نقاش_دوت_نت