《حلم ورد وحلم فل》

حاسس اني حبي ليكي 

حقيقي قل

والمشاعر اللي كنت زمان حاسسها

أصبحت منك تمل

ليه ليلاتي بتحقنيني بمصل يأس يهين عزيمتي

ليه يا روحي تتوهيني 

ويبقي حكمك اعيش بحيرتي

ساعه احس بشوق ولهفه

وساعه ليه بتحسسيني 

اني حبي ليكي أزمه  

خوفك اللي بترسميه

بإديكي في جدار الحكايه

وانتي خايفه إني ماوفيش في النهايه 

ليلك اللي بتنطفي نجومه بدموعك

وانتي دايما شاكه إني هابيع واخونك

ناصبه دايما في الكماين

ليه بتتمنى تشوفيني حد خاين

لو حكولك حاجه عني وخوفوكي

يبقي ماوصلتيش لروحي

أما انا عشقي لروحك

هو دا اللي عشانه صابر

نفسي مره تصدقيني 

فيها إيه لو تدي فرصه

لقلب مخلص مشتريكي

خايف اني ف يوم أصدق إني خاين

وامشي وانسي عهودي ليكي

وانا اللي ليكي ف قلبي زارع

حلم ورد وحلم فل

#نقاش_دوت_نت