قصيدة : جاري البحث
الشاعر محمد إبراهيم درويش
مشيت ف مكانك الوردي
لقيتني بطير
حقيقي تعبت انا لوحدي
من التفكير
ومن التدوير
شاهدت كتير وشوش الناس
والبحث ما زال جاري عليكي
كل اما بلاقي قمر ماشي
بانده ليكي
و ما بترديش
معقوله ناديتك مسمعتيش
والله دا صوت قلبي يسمع اخر شارع
الدق بيطلع من قلبي
وكان دي اخر مره ماهوش طالع
من صوت قلبي
معقول ابوابك مترجتش ؟
طب روحي اهي جت لك ما اترجتش ؟
ولا قلبي اتزلل لمكانك
تنزلي وكانك بتصادفيه ؟
طب حد يقولك ان انا جيت
انزلي قابليه
وساعتها هقول انا بيكي نجيت
واذا قلبك سبقك لمكانك
هيلاقي انا قلبي وصل قبليه
معقول الذكرى تصحي الميت وبتحييه
طب بنكش ليه ف رماد الماضي
واقلب في
ولهيب الشوق قايد تحتيه
#نقاش_دوت_نت
موضوعات ذات صلة
التعليقات
أضف تعليقك