بلاش الاهتمام بالفشة والممبار وقطع غيار البني أدمين !!

في ناس بتشتغل ومش بتحب الإعلام ، دي طبيعة شخصية ، والناس دي للأسف مهما كانت ناجحة في شغلها ، ولأن التفاصيل عنها قليلة وربما نادرة بتكون دائما مادة للكلام والاجتهاد والإشاعات والنميمة.

ـ وفي ناس تانية بتعرف تسوق لنفسها بشكل جيد وربما أيضا بشكل مبالغ فيه ، لو عملت حاجه صغيرة جدا لا تذكر ، تعمل منها حدثا كبيرا .

ـ دائما :

احنا مركزين على عمل أي شخص ، لو اختفى من المشهد وحاول أن يجتهد ويعمل بدون دوشه وفرح وخيله كدابه ، نبحث عن أي اسرار ، أو نحاول نستنتج معلومة ، أو نتقرب ممن هم حوله وفي دائرته لمعرفة أي معلومة نعمل عليها موضوعات .

ـ الحقيقة أن مجتمع السوشيال ميديا ، من أكثر المجتمعات اهتماما بالتفاصيل ، والنميمة والإشاعات والحديث في كل كبيرة وصغيرة ، فكرة الست اللي واقفه على باب البيت وبتكلم بقية سكان العمارة ، شفتي يا اختى ، أصله امس عمل كذا وكذا وكذا .

ـ ده كمان لا يعفي دائرة ممن هم حول الشخص من تسريب معلومات ، أو رمي أحداث ويسيبوا الناس تشتغل عليها، بطريقة واحنا مالنا خلونا في حالنا !!

ـ المهم : 

أنت عايز ايه من التفاصيل ؟ غير إشباع غريزة حب الاستطلاع ، لكن هل انت مهتم بعمل الشخص وقدرته على تحقيق المطلوب منه ؟ولا مهتم بمن يسوق نفسه على أي حدث والسلام ؟

ـ ارجوكم ركزوا جدا في العمل ، وبلاش الاهتمام بالفشة والممبار وقطع غيار البني آدميين !!

#نقاش_دوت_نت