كل يوم حب و سعادة......

تقريبا احنا دايما مستنيين مناسبه عشان نحب بعض ونفرح و نتبسط .. سواء عيد أو نجاح ... خطوبه

أو حد يقولك كلمة حلوة أو عيد حب و هكذه ..

وكأن الحب أو اللحظات السعيده ضيوف تقال علينا بيزورونا كل فتره مش حالات بنعيشها كل يوم .

في الحقيقه السعاده مش حدث لكنها أسلوب حياه ... قرار بتاخده مش لازم يكون فيه سبب كبير علشان

تبقي سعيد أو يكون عندك عطاء عشان تدي حب و اهتمام لكل اللي حواليك ..

أحيانا أبسط الاشياء بتخلينا سعدا .. فنجان قهوة في هدوء هي قمة السعاده ...رسالة من حد بتحبه بتخليك

 سعيد .. أي ضحكه طالعه من قلبك ..أو قعده حلوة بين حبايبك و أصحابك بتخليك في منتهى السعاده ..

لحظه رضا عن حالك و ظروفك و حياتك هتخليك سعيد و مرتاح .

للأسف طول ما انت مستني الحياه و الظروف تبقي أحسن عشان تكون سعيد عمرك ما هتحس بالسعاده .

أو لو مستني لحظات أحسن عشان تقول اللي في قلبك لحد بتحبه أو مستني مناسبه عيد ميلاد او عيد حب 

عشان تهتم بشريك حياتك أو حد بتحبه ..

الحب مش لازم تكون قصه كبيره أو علاقه رومانسية .. الحب ممكن يكون اهتمامك باللي حواليك أو حد 

بتحبه ..أو انك ترتاح شوية من احساسك بالذنب و تختار حد شبهك يسعدك .. أو تبعد عن اللي بيستهلك طاقتك.

الحب انك تسامح نفسك علي كل اخطاءك القديمه و لا انك تفضل تعاقب نفسك علي اي قرار خدته كان غلط أو غير حياتك ..بص لنفسك بعين أحن .

الحياه مش وردي طول الوقت بس ممكن نقدر نخطف لنفسنا لحظات حب و سعاده ..أكيد فيه ضغط أو تعب

 أو خذلان .. لكن في اصعب الآوقات دايما بتكون في لحظه حب و سعاده لحظه حلوة تنسيك كل ألم بتعيشه

عشان كده نظرتنا لازم تتغير ..لان عندنا كل يوم فرصه جديده نصلح فيها حياتنا ..نعتذر و نتقبل غيرنا أو 

حتي نختار نفسنا و نواجه روحنا ..

اي يوم حب وسعاده مش حلم بعيد ده قرار و اختيار متكرر انك متستناش حد يفرحك أو انك تكون مصدر 

سعاده لغيرك ..و الحب مش ان فيه حد يملى فراغ جواك لكن تبقي كامل من جواك قبل ما تفكر تكمل حد 

تاني .. لو فضلنا مستنين وقت معين و مناسبه معينه عشان نحب او نعبر عن الحب و نبقى سعدا ومرتاحين

تقريبا هنعيش اللي باقي من حياتنا علي الفرصه دي .

خلي كل يوم لحظه حب و كلمة حلوة و دعوه من القلب .. لان الحياه مش عدد سنين .. الحياه لحظات 

 حسينا فيها اننا بخير .

#نقاش_دوت_نت