الحب فى زمن الكورونا

لم تتجاوز الساعة السادسة مساء عندما عادت داليا من عملها ، وقفت امام شقتها لتخرج مفتاح الباب من حقيبتها عندما شعرت بأن هناك من يقف خلفها، فانتفضت واستدارت بسرعة لتجد تامر جارهم امامها.

تامر: انا اسف جدا انك اتخضيتى.

داليا: كنت سرحانه وانت ظهرت فجاءة.

تامر: كان لازم اشوفك.

ترتبك داليا وتقول: انا؟

تامر: ايوه انت.

تبتسم داليا وتنظر لتامر بحياء.

داليا: انا قلت لنفسى انك عمرك ما ح تتكلم، لكن.

تامر: انا كمان ماكنتش عارف انى ح يجيلى الجرأة 

 وأكلمك.

داليا: ما تتصورش سعادتى، مع انى سمعت خبر وحش النهاردة.

تامر: خير.

داليا : مش مهم، مش عاوزه اعكر صفو اللحظة.

تامر وهو يمسك بيدها بحنان:ممكن اطلب منك طلب.

داليا: انت تؤمر.

تامر: ممكن قزازة كحول من اللى مامتك اشترتهم امبارح من الصيدلية اللى فى اخر الشارع،اصلى رحت اشترى النهاردة وقالولى مامتك اخدت كل اللى عندهم.

داليا ونظرة غل على وجهها: طبعا من عينية.

وتدخل داليا وتغيب للحظات وتعود وهى تحمل زجاجتين كحول وتعطيهم لتامر.

تامر: مش عارف اشكرك ازاى، بس ده كتير.

داليا: احنا خلاص مش ح نحتاجهم، انا النهاردة عرفت ان انا وماما عندنا كورونا، و على فكرة ان كنت عاطسة فى ايدى اللى مسكتها من شوية.

#نقاش_دوت_نت