العمر نفسه بينقطع !!

" السبحة " بكام يا عمنا ، بعشرين جنيه يا حاج ، طيب مفيش واحده سلك عشان الخيط ده بيتقطع على طول ، والله يا حاج الخيط ده قوي جدا ، شوف انا معايا واحده اهي من فترة طويله قوي ومتقطعتش .

ربما هي المرة الأولى التي اشترى فيها " سبحه " كل مرة تأتي من حد كان بعمل عمره أو سافر لمكة ورجع أو هدية من صديق ، وفي الفترة الأخيرة وجدت أنها تلزمك بالاستغفار طول ما انت معاك وقت فراغ وما أكثره دون أن نشعر ...

 المهم الرجل افتكر أني بعمل كده عشان أفاصل ، قال بسرعة : والله يا عم الحاج ما بعنا من الصبح بجنيه ، لو فيها حاجه تنزل كنت نزلت لك سعرها ، قلت له مش بكلمك على السعر ، خد الفلوس أهي وهات واحده ، انا بس بزعل لما بتتقطع ومش بحب كده .........

قال لي جمله رائعة : العمر نفسه بيتقطع يا عم الحاج ، متشغلش بالك وقول يارب ، قلت له معاك حق ، راضي يا عمنا ، قال لي : زي الفل .....

نعم العمر نفسه بينقطع في أي وقت لا تحميه قوة الصحة ، ولا هشاشة المرض ، لا يحميه عمل كويس ولا عمل وحش ، كل مفارق في لحظة ما ، ربما الآن أو بعد قليل أو بعد وقت بعيد .. الله اعلم .

#نقاش_دوت_نت