فرصة سقوطك

مش دايما كل سقوط بيكون خساره ،أوقات بيبقى أحسن فرصة جاتلك في حياتك

ساعات بنفتكر السقوط عقاب أو نهاية عشان تقريبا أتربينا ان السقوط أو الفشل فضيحة ، وانك لما تقع تبقى خسرت و اتفضحت .. محدش علمنا ان السقوط ممكن يكون إعادة توجيه .

إن الأرض اللي خبطنا فيها وشنا هي لحظة انت بتفوق فيها.

أول ما الأنسان بيقع أول حاجه بيفكر فيها كلام الناس و الخوف بيملاه .. خوف من نظرة الناس ليه و كلالامهم و شماتتهم فيه ..بس الحقيقه الناس مشغوله بنفسها أكتر ما انت متخيل ..واللي بيتكلم عنك النهارده بكره

هيقع ... بس الفرق ان ممكن غيرك يقع و يقوم بسرعه بشكل غير متوقع .. و انت لسه

مكانك خايف تبدأ لا تقع تاني ..

السقوط هيعرفك علي نفسك و هتعرف انك كنت محتاج تقع عشان تراجع حساباتك ، و هتكتشف انك قوي و بتقوم من تاني عشان نفسك مش اللي حواليك .. وانك قوي

عشان عايز تقوم ..فيه فرق بين حد عمره ما وقع ، وحد تاني وقع و اتكسر و قام ... الآول عنده خبره ،لكن التاني عنده تصميم يقوم و ينجح ..

الأول ممكن اي مطب يوقعه لكن التاني بقى عارف شكل الآرض ... 

أوقات ربنا بيشيل من تحت رجلك الحاجة اللي انت ماسك فيها عشان تعرف أنك ماسك

في الحاجه الغلط .. مثلا وظيفه مش بتاعتك أو شخص مش مناسب ليك ..مكان بيصغرك

أو حلم مش بتاعك .. 

من ميزات السقوط أنه بيعرفك كمان معدن الناس اللي حواليك .. بيكشف مين كان

جنبك عشان المصلحه و مين فضل واقف جنبك حتي و انت علي الآرض .. بيخليك

تشوف الناس من غير فلتر ..

انا في رأيي أصعب لحظه مش لحظة السقوط .. لكن أصعب لحظه هي اللحظه اللي بتبص فيها لنفسك و تقول : أنا هافضل كده؟ و لا هاقوم؟

و إنك تقوم مش معناه إنك هترجع زي الآول .. انت بترجع نسخه أذكى و أقل اندفاعا 

و أكتر وعيًا طبعا .. لأن السقوط فرصة حقيقية ان تعيد ترتيبات أولوياتك، أحلامك

و فرصه انك تعترف انك كنت غلط ...و فرصه أنك تبدأ بداية جديدة ..

مش دايما كل اللي بيقع بيقوم بس كل اللي بيقوم بيبقى وقع قبلها .. مفيش سهم بورصه

بيقع غير لو كان فوق في تصاعد ..

يمكن تجربة السقوط وجعتك و سببت لك في عقده ..أوقات بيبقى فيه حمايه من طريق

لو كنت كملته كنت هتتوجع أكتر ..

سقوطك مش نهايه كتاب أو فصل من حياتك ..بص حواليك و خد نفس و أقف علي رجلك من جديد .. اللي لمس الأرض مره بيفقد خوفه من الارتفاع ..

لو وقعت متحزنش علي الصوره اللي اتكسرت حاول تبني ملامح من جديد ..

يمكن ربنا كان بيخلق نسخه جديده منك كانت لازم تقوم من تاني .. و افتكر ان أكبر نجاحات في الدنيا مابدأتش من القمه .. بدأت من خساره أو مشروع و فشل أو علاقه 

و انتهت ..

و أحلى حاجة في السقوط انك معندكش حاجه تخاف عليها .. عشان اللي كان ممكن تخسره خلاص خسرته .. واللي كان ممكن يكسرك خلاص كسرك ف بقيت حر..

#نقاش_دوت_نت