" ثمن التغير هو الألم "

إحنا عادة بنتعامل مع التطور أو التغيير كأنه شيء بسيط أو حدث و هيعدي ؛ لكن الحقيقه أن اي تغيير جواك بيتطلب ان حاجات كتير قديمه تموت بشكل نهائي و جذري ... طريقة تفكير مثلا أو تعلق بشخص أو مكان أي احتياج كنت متعود عليه قبل كده و لازم تتنازل عنه عشان يحصل تغيير حقيقي في حياتك..

و طبعا العقل دايما بيحب كل ما هو مألوف حتي لو كان مؤذي ..لان المعروف متوقع و كل ما هو متوقع روتيني و آمن و ممل أحيانا ..

عشان كده اول ما تبدأ تتغير حاجات كتير جواك بتقاوم لأنك خرجت من منطقة نفسيه متعود عليها و عارفها عن النسخه المعتاده منك ؛ و البعض لما بيتغير أو بيفقد الصوره اللي كان عليها بعد التغيير بيشتاق للنسخه القديمه منه ... و بيحصل مرحلة ارتباك ما بين قبول النسخه دي منك و تقبل التغيير الجديد ..و دي اصعب مرحلة نفسيه اللي هي بين و بين 

أه الانسان بيبقى فاهم زياده و وعيه هضم التغيير ده و لكن لسه متألم للنسخه القديمه اللي كانت جواه و متعاطف معاها ..

الثمن هنا في الصراع النفسي اللي احنا بنعيشه و بندفع تمنه.. و دايما التعب الخارجي محتاج مواجهه و دي مرحلة تانيه من التطور .. الألم عمره ما كان عكس التطور بالعكس دا هو جزء منه ...لان الإنسان مبياخدتش قرار التغيير او التطور و هو مرتاح بالكامل.

#نقاش_دوت_نت