شروط صياغة اسم التفضيل

بسم الله

درس النهاردة جميل اوي و هو اسم التفضيل

يعني ايه ؟

انا عندي حاجتين واحدة منهم زادت عن التانية في صفة معينة يعني مثلا : الاتنين حلوين بس واحدة زيادة شوية دي هتبقا اسمها احلى

الاتنين جُمال بس واحدة زايدة عن التانية شوية يبقا دي اجمل

شخصين الاتنين اذكيا بس واحد زايد شوية يبقا هو اذكى

و هكذا 

يعني بعمل مقارنة بين حاجتين في صفة زايدة عند حد منهم يعني بفاضل بينهم عشان كده اسمه تفضيل

زي لما اقول ( محمد اذكى من عمر )ـ

هنا محمد و عمر اشتركوا في صفة واحدة و هي الذكاء لكن محمد زاد فيها عن عمر هو ده اسمه التفضيل

و هو بيتكون من 3 حاجات

المفضل : الاسم اللي في الاول

اسم التفضيل : و هو الاسم اللي على وزن أفعل اللي هو في النص

المفضل عليه : و ده الاسم اللي في الاخر

و لو لاحظت الكلمات ( اجمل - اذكى - احلى ) كل دول على وزن واحد و هو ( أفعل )

طب ده بيفكرنا ب أيه ؟؟؟

ايوة تمام اسلوب التعجب

و في اسلوب التعجب كنا واخدين اني عشان اجيب الفعل بصيغة ( افعل - اجمل - اسعد ) بالنظام ده يعني كان ليها شروط صح ؟

عندنا في التفضيل نفس الشروط دي عشان اجيب منه اسم التفضيل

هي هي ؟

اه هي هي ,, يعني اللي عارف اللي هناك هيرتاح هنا,, و اللي مش عارف بقا تعالا نفتكر سوا

شروط صياغة اسم التفضيل

1- الفعل ده لازم يكون ثلاثي و ميكونش ع وزن افعل فعلاء

يعني ايه الشرطين دول

ثلاثي : يكون من 3 حروف زي ( حسن - طاب - جمل - كرم ) ميكونش زيادة ( اجتمع - انتصر - شارك - سامح )

يعني ينفع اقول : ( محمد أكرم من على - هند احسن من زينب - الكرم اجمل من البخل )

لكن لو حاولت اجيبه من الافعال اللي مش 3 حروف مش عارف اجيبه

ميكونش ع وزن افعل فعلاء : يعني لو انا قولت احمر المؤنث ايه ؟ حمراء .. ادام بقت بالنظام ده ( احمر : حمراء - ازرق : زرقاء - اخضر : خضراء - اعرج : عرجاء - اعور : عوراء ) ادام ع النسق ده يبقا مينفعش اجيب منه التفضيل

2- الفعل لازم يكون مثبت و تام و مبني للمعلوم

يعني ايه دول ؟

مثبت : يعني ميكونش منفي ,, ميكونش قبله حرف نفي( لا يفهم - لا يكرم - لم يجمل - لن يسمع)

لو حاولت مش هنعرف نجيب التفضيل من النفي ده

تام : يعني ميكونش حاجة من كان واخاوتها و لا كاد واخواتها ( يعني ميكونش كان - اصبح - اضحى - امسى - بات - ظل - صار - ليس - زال - ما برح - ما فتئ - ما انفك - ما دام )

ولا من كاد واخواتها (كاد - كرب - اوشك - عسى - حرى - اخلولق - شرع - طفق - علِقَ (

يبقا ثلاثي = 3 حروف ,, مثبت = ميكونش فيه نفي ,, تام = ميكونش ناقص يعني ميكونش كان ولا كاد و اخواتهم

مبني للمعلوم : يعني ميكونش الفعل مبني للمجهول يعني يكون الفعل تشكيله هو اللي احنا عارفينه ميكونش الفعل تشكيله متغير لو لقيته متغير زي ما هقولك الوقتي يبقا ده مينفعش تجيب التفضيل منه.. ازاي ؟؟

ضَرَبَ ده متغير؟؟ لا ,, يبقا ينفع

ضُرِبَ متغير ؟؟ اه ,, يبقا مينفعش

يَكْتُبُ ده متغير؟؟ لا ,, يبقا ينفع

يُكتَبُ ده متغير؟؟ اه ,, يبقا مينفعش

و التغيير اللي حصل ده هو البناء للمجهول بيكون الحرف الاول مضموم و قبل الاخير مكسور لو ماضي و مفتوح لو مضارع

و طبعا تاخد بالك من الافعال اللي زي ( قيل-يقال-خيف-يخاف-قيم-يقام)وهكذا

3-الفعل ده لازم يكون متصرف و قابل للتفاوت

يعني ايه

متصرف : يعني ميكونش جامد يعني ميكونش حاجة من دول ( نِعْمَ - بِئْسَ - حبذا - لا حبذا - ليس - عسى )ـ

لو حاجة من دول مينفعش تجيب التفضيل منه

قابل للتفاوت : التفاوت يعني الاختلاف بين الناس ,, يعني الفعل يكون فيه اختلاف بين الناس و يزيد و ينقص و في درجات كده

عشان كده افعال الهلاك متنفعش زي ( مات - هلك - فنى - غرق ) دول مينفعش فيهم تفضيل لانهم مفيهمش اختلاف دول ثابتين عند الكل

كده عرفنا الشروط 

طب لو فعل من اللي فقد شرط واحد من اللي فوق و عاوز اجيب منه اسم تفضيل اعمل ايه ؟؟ 

قالك ركز معايا كده بنفس ترتيب الشروط

1- لو الفعل مش ثلاثي او ع وزن افعل فعلاء

هتعمل كده ( كذا + أكثر / أشد / احقّ / اجمل / احسن / افضل / اروع + المصدر الصريح من الفعل اللي منفعش ده + من كذا)

مثلا ( حمر الورد - انتصر الجيش المصري - زرق النيل - استخرج البترول )

الاول افكر ( حمر = افعل فعلاء // انتصر = مش ثلاثي // زرق = افعل فعلاء // استخرج = مش ثلاثي ) يبقا هنجيب المصدر الصريح

( حمر = حمرة // انتصر = انتصار // زرق =زرقة // استخرج = استخراج

بعد كده هنجيب ( كذا + اجمل او احسن او اروع + المصدر الصريح + من كذا )ـ

الورد اكثر حمرةً من غيره

الجيش المصري افضل انتصارا من جيش العدو

النيل اجمل زرقةً من البحر

البترول اصعب استخراجا من غيره

فهمت الفنكيرة ؟؟

بنلعب ههه

لو مش 3 او افعل فعلاء = كذا+ أكثر / افضل / اشد+ المصدر الصريح + من كذا

ملحوظة مهمة : المصدر الصريح اللي معايا ده لما بيجي في التفضيل بيكون منصوب و بنعربه : تمييز منصوب و علامة نصبه الفتحة

يعني ( استخراجا - زرقة - حمر

#نقاش_دوت_نت