هو ايه اللي احسن من الفلوس؟!

لو سألت اي حد هو في حاجه في الدنيا أحسن من الفلوس ، بالتأكيد وبدون لف ودوران هتكون الإجابه كالتالي : الفلوس بتصنع السعادة ، بتحل أي مشكله ، بتعمل نفوذ ، الفلوس بتعز صاحبها ، بتقويه على الحياة ... إلخ .

طيب تعالى كده أقرأ الحوار العبقري ده من فيلم الكيت كات ، بين محمود عبد العزيز وابنه شريف منير .

- طيب إيه أحسن من الفلوس؟ .. تقدر تفهمنى يابا ؟ 

- ⁠

- أحسن حاجة فى الدنيا الناس الطيبين يا يوسف .. وعشان كده لما هايخلصوا .. هاتخلص الدنيا.

- ⁠

- طيب والطيبين دول ها يعوضونا عن الفلوس و لا هاكل وأشرب وأتجوز بيهم ؟ 

- اللى بيأكلك و يشربك و يجوزك هو رب الناس الطيبين .. خلى بالك من الطيبين وماتجيش عليهم و لا تمشى فى ديل اللى ييجى عليهم .. هاتلاقى ربنا معاك ويكرمك. 

- الطيبين اللى اعرفهم كلهم غلابة .. والمريسة مع الأندال و خدامينهم .. عايزنى أبقى فى كفة الغلابة ؟ 

- يابنى الدنيا بتتشقلب فى يوم و ليلة والغلبان بيقوى والقوى بيهده اللى أقوى منه و المحبوس يبقى بره و اللى بره يتحبس و للى فوق يقع على جدور رقبته واللى تحت يبقى فوق ... ما يغركش البهرجة اللى حواليك ..

 دى نفخة واحدة من السما تعدل المقلوب و تقلب المعدول .. فوق يا يوسف!!

#نقاش_دوت_نت