الإهتمام مبيطلبش .. أنت عابر سبيل !!

ممكن جدا تعيش حياتك كلها وأنت تعتقد أن #الاهتمام تعود ، وتكون زعلان أن في ناس لو قامت الدنيا وقعدت مش ممكن تسأل ، تحاول ، تطمن ، هي فقط اعتادت أن تكون داخل دائرة الاهتمام ، ولو تأخرت شويه ، أو سقطت ، أو حتى خرجت تماما من الحياة ، بتكون أنت السبب ، لأنهم حولوا #التعود إلى #برنامج يومي ، حاجه كده زي #طبق اليوم ، لو الملح قل شويه ، أو السكر زاد شويه ، بتكون السبب ومن يتحمل #المسئولية كاملة .

دعونا نؤكد ، لو في حد مش مهتم أنه يتواصل معاك ، أو حريص على أن تكون في دائرة اهتمامه ، إذن هو إما #مشغول جدا ، أو لا تمثل له حاجه كبيره ، يعني أنت مش في داخله بالقدر الذي تفهمه أو تتوقعه .

وفكرة مشغول جدا ، هي فكرة نحاول نريح نفسنا عليها ، حتى نجد #الاعذار ، لأنه المفترض بمجرد ما ينتهي من هذه الحالة ( مشغول جدا ) يبحث عنك ، لو كنت أنت مهم بالنسبة له.

والحقيقة أن مشاعر الاهتمام من ضمن " الجينات " ، حاجه كده زي #الطباع ، مش احنا دائما بنقول اللي عنده طبع مش ممكن يتغير ، هو كده بالظبط .

الموضوع مش #عبقري ، هو فقط مهم جدا أنك تعمل #قياس للأشخاص حولك ، لا تقف دائما على #بوصلة اهتمامك وتركز عليها ، لأنك حتى لو تدربت مع الوقت ، أو قدرت تكون في مرحلة " حماية " لنفسك من #التجاهل ، لن تتغير طريقتك ، ممكن تقل أو تهذبها ، لكن ستظل تهتم لأنها حقيقة مؤكدة في داخلك .

 الاهتمام #مشاعر ، ومن يفقد حاسة الاهتمام ، هو فاقد لمشاعره ، ممكن جدا يكون يتعامل معاك على سبيل #التعود ، أنه آمن لرد فعلك ، عارف أنك عمرك ما تبيعه ، #أناني ، نعم أناني ، لأن الأنانية تجعل الشخص دون أن يدري عايز كل حاجه ، حتى الاهتمام بدون مقابل ، ومن فرط الأنانية ، عنده إحساس بالظلم لو توقفت للحظات عن #السعرات التي تمدها له يوميا ، لو قل عطاء الاهتمام ، أو حتى حس أنك تعبت من كتر الاهتمام .

يمكن لهذا السبب أطلقوا عبارة " الاهتمام مبيطلبش " ، أنك متطلبش من حد أنه يهتم بيك ، ولا توجهه أو تلفت نظره ، لأنها مشاعر ، والمشاعر إحساس ، #والإحساس حاجه جواك موجودة أو غير موجوده ، أوعى تسأل على اللي مش موجود ، لأنك بتخسر وجودك نفسه ، وبتصنع أوهام تفضل عايش عليها كتير ، بتكون مسكين الحقيقة ، لأن اهتمامك وشغفك يفضل يكبر جواك الأعذار ، فتقرب اكتر وتهتم أكتر ، وأنت في النهاية #عابر سبيل ...

#نقاش_دوت_نت