شاب مصري يلغي فكرة السفر للخارج بعد مباراة مصر والأرجنتين

 هناك فيديو متداول  لشاب مصري بعد الماتش: "طب والله يا جماعة اكتشفت اني بموت في مصر رغم اننا خسرنا ورغم الاداء المشرف ورغم اني اكتر واحد بيتكلم على السفر ويارب اسافر واطلع منها، بس اكتشفت اني بحبها، فيها حاجة حلوة، معرفش هنوصل للمكان ده تاني ولا لا بس انا مبسوط بأدائنا، اللي طلعت بيه من كل ده اني فعلا بحب مصر، انا فخور بجد بكل حاجة بتحصل، انا مش عايز اسافر خلاص نقطة السفر دي شيلتها من قاموسي، طلعت وطني، طلعت بحبها"

 وعلق ابراهيم فايق على الفيديو قائلا: الكورة هي اللي بتطلع مشاعرنا الحقيقية، احنا شعب بالفطرة بنحب البلد دي وبنعشقها، ناس كتير حوالينا ميعرفوناش، دي طبيعتنا كمصريين عمرهم ما يفهموها، آه نشتكي، بس هي في القلوب، نحس بس ان فيه حاجة تلاقي كل واحد شد الشدة، تلاقي الحلم اترسم قدامك، انا بحبها وهقعد فيها، انا نفسي أسافر بس لأ مش هقعد فيها، شوفت الجمال؟

 وأضاف فايق: البلد دي حبها مزروع جوة قلبنا، دايما كنت اقول يا جماعة متستهونوش بالكورة، الكورة حاجة عظيمة، دي الحتة اللي بتنكش جوة كل واحد فينا حبه وانتماؤه، الكورة دي اللي بتصحي جوانا مشاعرنا تجاه بلدنا، الكورة بتخلي الناس عارفة قيمة البلد دي، ايوة متستهونش بالكورة أبدا.

#نقاش_دوت_نت